المرأة اللبنانية تحصل على رئاسة الجمهورية

مؤخرا، كل غنية عم تضرب عم تسملي بدني وتتضارب مع مبادئي النسوية، بس هيدي الغنية بالتحديد، يللي اسمها جمهورية قلبي ليللي بيسمي حالو فنان محمد اسكندر، سمتلي العامود الفقري لأعصابي.

ومن وين ببلش احكي عن الجهل، والاستفزاز يللي بتحملو هالأغنية؟ كيف فيي فسر قديش حجم المرأة وشرشحها؟

سدي بوزك، البسي جمالك، واقعدي انصمدي جوات جمهورية قلبي كل يوم، واذا شي، نظفيلي البيت وفقسيلي ولاد: هيدي هي رسالة الغنية بكل وضوح وانعدام الروح والخجل”.

واختصر محمد اسكندر في أغنيته الجديدة، كل ما في الوطن، أو بالأحرى في كوكب الأرض، من ذكوررية.

أنا والله فكري هنيه، ويعني هني أهلو فيه، انو انجاز، فعلا انجاز، يقدر بأغنية وحدة يفظع هلقد، ويهين انسانيتي وكياني كامرأة تعلمت وحملت شهادة وطموحها تشتغل وتنجح بحياتها. بهني انو قدر يشرشح انسانيتنا، وحريتنا، واستقلاليتنا، ويقلنا انو الحب أو الغيرة بتبرر ذكوريته وتسلّطو. وانو لأن هوي رجال، عندو عضو ذكري يعني، فيه يتحكم بحياتي متل ما بدو، تا يرضي كبتو وعقد النقص يللي عندو ويللي بتتغذى على فكرة انو المرأة بموقع دوني والرجل (يللي عندو عضو ذكري يعني) بموقع تفوق.

انو بس اسمعو الأغنية مرة وحدة، مش أكتر، بتعرفو قديش الذكورية الشرقية مريضة. بدو ينزل يهد الشركة ع راس المدير ويمنعها تشتغل ويقعدها بالبيت لأنو مديرها،يللي هوي حيوان ذكوري تاني، بصبص عليها وتحرش فيها. هيدا الحل بالنسبة لاسكندر، كأن الرجال الشرقي ناقصو أغنية تهيج ذكوريته وتأكدلو مبادئه الشاذة اللي تربى عليها.

لأ، بس أكتر شي سملي بدني، هوي كيف كان الو عين يذكر حقوق المرأة بنفس الغنية يللي عم يسلبها فيها كل حقوقها. تحليلي بيوصل لنتيجة وحدة: حالة انفصام شديدة بحاجة لعلاج فوري. انو كيف ما عندو بنات تتوظف بشهادتها، بس حقوق المرأة ع عينو وع راسو؟ انو زبطت الكلمة مع اللحن وللا كيف؟ كيف الو عين، عنجد ما استحى من حالو؟

بس بحب اشكرو لأن ما فقعها قتلة بالأغنية، بلكي بكرا بالفيديو كليب منشهد على شي بدن مرتب بيطعميها ياه، تا تكمل الذكورية عالمزبوط، ويكون محمد ادى واجباتو تجاه ذكوريته وتخلفه.

بحب كمان وجه تحية لهالموسيقار العظيم، لانو وأخيرا شرح فعليا المثل العربي الشهير: السم المدسوس بالعسل، وقدر بكل ذكا ورجولية، يطلع بهيك أغنية عن كيف بتنسد نياعنا، ومننشرى بالمصاري والغنج وكم كلمة غزل، نحنا النساء الشرقيات (أو بالأحرى، كيف هو بدو يانا نكون).

وبحب زيد كلمة لأستاذ محمد ع جنب، يا رب الرحمة! مين هالمعترة يللي رح يكون الها نفس تكون .رئيسة جمهورية قلبك، يا جغل انت!

ملاحظة: كاتب كلمات الأغنية هو فارس اسكندر ابن الفنان محمد اسكندر.

ملاحظة 2: لم يعرف لبنان يوما رئيسة للجمهورية، أو رئيسة للوزارة أو لمجلس النواب، ولم يتعدى عدد الوزيرات في الحكومة الاثنين، كما لم يتعد عدد النائبات في البرلمان ال 6 من أصل 128 نائبا. بس بيكفينا انو فيها المرأة تكون رئيسة جمهورية قلب محمد اسكندر".

  

Publisher: 

Sawt al' Niswa

Section: 

Featured: 

Add new comment

Filtered HTML

  • Web page addresses and e-mail addresses turn into links automatically.
  • Allowed HTML tags: <a> <em> <strong> <cite> <blockquote> <code> <ul> <ol> <li> <dl> <dt> <dd> <img>
  • Lines and paragraphs break automatically.

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.
CAPTCHA
This question is for testing whether or not you are a human visitor and to prevent automated spam submissions.
1 + 6 =
Solve this simple math problem and enter the result. E.g. for 1+3, enter 4.

Latest post

Popular post

Our portfolio

We wouldn't have done this without you, Thank you Bassem Chit - May you rest in power.

Copy Left

Contact us

Contact Sawt al' Niswa via:

You can also find us on: